Hörmətli tədqiqatçılar və iş dünyasının dəyərli nümayəndələri, Sizi 7–8 may 2026-cı il tarixlərində “Beynəlxalq Türk Dünyası İqtisad Konfransı: Ortaq Gələcək və Sosial-İqtisadi İnnovasiyalar” mövzusunda təşkil olunacaq Beynəlxalq Türk Dünyası İqtisad Konfransında iştirak etməyə dəvət etməkdən məmnunluq duyuruq. Konfrans çərçivəsində Türk Dünyasında iqtisadi inkişaf meyilləri, regional əməkdaşlıq perspektivləri, davamlı inkişaf strategiyaları və sosial-iqtisadi innovasiyalar elmi yanaşma əsasında müzakirə ediləcəkdir. Tədbir, akademik ictimaiyyətlə iş dünyası arasında fikir mübadiləsinin aparılması və mövcud tədqiqat nəticələrinin paylaşılması üçün mühüm platforma təqdim edir.

Konfransda iqtisadiyyat, idarəetmə, maliyyə, beynəlxalq ticarət və logistika, mühasibat uçotu, dövlət idarəçiliyi, beynəlxalq münasibətlər, kommunikasiya və rabitə texnologiyaları sahələrində aparılan elmi tədqiqatlar müzakirəyə çıxarılacaqdır. İştirakçılar bu sahələr üzrə bilik və təcrübələrini bölüşmək, eləcə də elmi əməkdaşlıq imkanlarını genişləndirmək imkanı əldə edəcəklər.

Konfransa qəbul olunan məruzələr həm onlayn, həm də üzbəüz formatda təqdim edilə biləcəkdir. Məruzə tezislərinin təqdim edilməsi üçün son tarix 20 mart 2026-cı il, qəbul olunmuş məruzələrin tam mətnlərinin göndərilməsi üçün isə son tarix 25 may 2026-cı il olaraq müəyyən edilmişdir.

İştirakınızın Türk Dünyasında iqtisadi elmin inkişafına və akademik əməkdaşlıqların güclənməsinə əhəmiyyətli töhfə verəcəyinə inanır, dəyərli elmi işlərinizi konfransımızda görməkdən məmnun olacağımızı bildiririk.

Hörmətlə,
Konfransın Təşkilat Komitəsi