Birinci Beynəlxalq Türk Dünyası İqtisad Konfransı
"Ortaq Gələcək: Sosial-iqtisadi innovasiyalar"

Hörmətli elm adamları, tədqiqatçılar və biznes dünyasının dəyərli nümayəndələri, Azərbaycan Dövlət İqtisad Universitetinin (UNEC) Türk Dünyası İqtisad Fakültəsinin təşkilatçılığı ilə 16–17 may tarixlərində keçirilmiş “Ortaq Gələcək: Sosial-iqtisadi innovasiyalar” mövzusunda Beynəlxalq Türk Dünyası İqtisad Konfransı uğurla yekunlaşmışdır. Konfransın açılış mərasimində UNEC rəhbərliyi ilə yanaşı, Azərbaycan, Türkiyə, Qazaxıstan, Qırğızıstan və Özbəkistandan gələn akademik heyət çıxış edərək tədbirin əhəmiyyətini vurğulamış, Türk Dünyasında elmi, sosial və iqtisadi əməkdaşlığın gücləndirilməsinin vacibliyini qeyd etmişlər. Tədbir çərçivəsində aşağıdakı mövzuları əhatə edən üç əsas panel müzakirə olunmuşdur;

• “Türk Dünyasında Davamlı və Yaşıl İqtisadiyyatın Yeni Dövrü”,

• “İnformasiya İdarəetməsi və Süni İntellekt”,

• “Gənclik və İqtisadi İnkişaf: Yeni Nəsil Sahibkarlıq və Startaplar”

Panellərdə Türk Dünyasında yaşıl iqtisadiyyatın inkişaf perspektivləri, rəqəmsallaşma və süni intellektin iqtisadi sistemlərə təsiri, həmçinin gənc nəslin iqtisadi və innovativ sahələrdə rolu ilə bağlı aktual məsələlər müzakirə edilmişdir. Konfrans çərçivəsində həmçinin “İqtisadi və İdarəetmə Elmləri” və “İnformasiya Texnologiyaları” mövzularında iki üz-üzə sessiya keçirilmiş, 17 may tarixində isə məruzə göndərmiş iştirakçılarla onlayn sessiyalar təşkil olunmuşdur. Türk Dünyasının müxtəlif ölkələrindən cəlb olunmuş elm adamları, tədqiqatçılar və tələbələr arasında elmi fikir mübadiləsi həyata keçirilmiş, qarşılıqlı təcrübə paylaşımı üçün zəmin yaradılmışdır.

Konfransın sonunda təşkilat komitəsi tərəfindən dəstək göstərmiş qurumlara, panel iştirakçılarına təşəkkür plaketi və xatirə hədiyyələri təqdim olunmuşdur. İki gün davam edən bu beynəlxalq tədbir Türk Dünyasında elmi əməkdaşlığın möhkəmləndirilməsi, ortaq problemlərin elmi əsaslarla müzakirəsi və gələcək inkişaf strategiyalarının formalaşdırılması baxımından əhəmiyyətli platforma kimi dəyərləndirilmişdir. Konfransın təşkili və keçirilməsində iştirak edən, əməyi keçən bütün şəxslərə dərin təşəkkürümüzü bildiririk.

İkinci Panel: Türk Dünyasında Yaşıl və Dairəvi İqtisadiyyat: Keçid üçün Yol Xəritəsi

23 may 2024-cü il tarixində Azərbaycan Dövlət İqtisad Universitetinin (UNEC) Türk Dünyası İqtisad fakültəsinin təşkilatçılığı ilə “Türk Dünyasında Yaşıl və Dairəvi İqtisadiyyat: Keçid üçün Yol Xəritəsi” adlı ikinci panel təşkil edilmişdir. Prof. Dr. Hayati Beşirlinin moderatorluğu ilə keçirilən paneldə Prof. Dr. İlhan Öztürk (Birləşmiş Ərəb Əmirlikləri), Prof. Dr. Ayfer Gedikli (Türkiyə), Prof. Dr. Dinmuhammed Kelesbayev (Qazaxıstan) və Dos. Dr. Mariya Koçkorbayeva (Qırğızıstan) məruzəçi qismində iştirak etmişdir. TİKA və Türk Dünyası Araşdırmalar Vəqfi tərəfindən dəstəklənən paneldə Türk Dünyasında yaşıl iqtisadiyyatla bağlı inkişaflar müzakirə edilmişdir. Konfrans çərçivəsində professorlarımızın töhfələri ilə “Türk Dünyasında Yaşıl və Dairəvi İqtisadiyyat: Keçid üçün Yol Xəritəsi” adlı kitab da nəşr olunub. Panelin həyata keçirilməsində başda TİKA, Türk Dünyası Araşdırmalar Vəqfi və rektorumuz Prof. Dr. Ədalət Muradov olmaqla əməyi keçən hər kəsə təşəkkür edirik. Ümid edirik ki, panelimiz növbəti illərdə daha səmərəli elmi platformaya çevriləcək.

Birinci Panel: Türk Dünyasından Çağırışlar

25 iyun 2023-cü il tarixində Azərbaycan Dövlət İqtisad Universitetinin (UNEC) Türk Dünyası İqtisadiyyat Fakültəsinin “Türk Dünyasından Çağırışlar” adlı I Paneli keçirilib. Panel müzakirələri Türk Dünyası İqtisad fakültəsinin dekanı Prof. Dr Mehmet Yücenin moderatorluğu ilə keçirilib. İzmir Bakırçay Universitetindən Prof. Dr. Recai Coşkun, Qırğızıstan Dövlət Arabayev Universitetindən Prof. Dr. Synaru Alymkulova, Daşkənd Dövlət İqtisad Universitetinin professoru. Dr. Murat İkramov və Qazaxıstan Turan Universitetinin prorektoru Dos. Dr. Dina Razakova Türk dünyasının tarixi, elmi, təhsili, iqtisadiyyatı və sosial həyatına dair aktual mövzularda çıxışlar edib.

Çıxışlardan sonra UNEC rektoru prof. Dr. Ədalət Muradov Türk Dünyası Araşdırmaları Vəqfi tərəfindən Türk Dünyasında təhsilə, mədəniyyətə və elmi araşdırmalara böyük önəm vermək üçün təsis edilən “Prof. Dr. O, “Turan Yazqan Təhsil və Mədəniyyət Mükafatı”na layiq görülüb