Konfransa göndəriləcək məruzələr:
Konfransa daha əvvəl başqa hər hansı bir yerdə nəşr və məruzə olunmamış orjinal tədqiqat işləri göndərilməlidir. Konfransın daha çox tədqiqatçının iştirakını təmin edə bilməsi üçün bir müəllif eyni anda maksimum 2 məruzə ilə iştirak edə bilər. Məruzə yalnız müəlliflərin özləri tərəfindən göndərilməli və təqdim edilməlidir. Məruzələr Xülasə, Giriş, Ədəbiyyat, Metod, Nəticələr, Nəticə və Təkliflər hissələrindən ibarət olmalıdır.
Məruzə 1000-7000 (min – yeddi min) söz olmalı ve xülasə 200-1000 (iki yüz - min) sözü keçməməlidir.
Yazı qaydası: istinadlar APA stilinə uyğun olaraq qeyd olunmalı ve DOI nömrəsi (əgər varsa) əlavə edilməlidir. Konfransa təqdim olunacaq elmi işin başlığı Times New Roman 16 şrifti ilə; tədqiqatın əsas mətn hissəsi Times New Roman 12 şrift, cədvəl, şəkil və qrafiklərin daxili yazıları, başlıqları və alt şərhləri Times New Roman 9 şrift, sətir aralığı - 1.5, səhifə ölçüləri isə hər tərəfdən 2.5 cm şəklində olmalıdır. Məruzələr konfrans dilində yazılmalı və yazıldığı dil ilə yanaşı ingilis dilində də xülasə yazılmalıdır. Maksimum 5 açar söz olmalıdır.
Göndərmə forması: Yalnız Word formatında qəbul ediləcəkdir (PDF qəbul edilmir). Məruzələr göstərilən tarixə qədər göndərilməlidir.
Şəkillər: Şəkil, cədvəl və s. yüksək keyfiyyətli/oxunaqlı olmalıdır.
Dil seçimi: Türk Dilləri (Azərbaycan, Türkiyə, Qazax, Qırğız, Özbək, Türkmən) İngilis dili, Rus dili
Ön qiymətləndirmə: Plagiat dərəcəsi, akademik dil, orfoqrafiya qaydalarına uyğunluq yoxlanılacaq və daha sonra müsbət qiymətləndirilmiş mətnlər rəyçilərə göndəriləcək.
Rəyçinin qərarı: Qəbul, redaktə edildikdən sonra qəbul və ya rədd.
Qiymətləndirmə meyarları: Başlıq-məzmun uyğunluğu, ədəbiyyat və metoda uyğunluq, elmi töhfə, aktuallıq, orijinallıq və yazı adekvatlığı nəzərə alınır.
İştirak sertifikatı yalnız onlayn və ya əyani şəkildə təqdim edilən məruzələr üçün veriləcəkdir.
TR 
EN